Манобеи огоҳи наздик ба Ҷунбиши "Ҷавонони 6 уктубар (октябр)” эълом карданд, ки Ҳусни Муборак, хонавода ва наздиконаш ва бархе аз мақомоти мисрӣ аз подшоҳи Арабистон хостаанд то ба шаҳри Ҷиддаи ин кишвар сафар кунанд.
Ба гузориши пойгоҳи хабарии SNS, манобеъи мутталеъ ва наздик ба Ҷунбиши "Ҷавонони 6 уктубар (октябр)” эълом карданд, ки Ҳусни Муборак, раиси ҷумҳури Миср ва хонавода ва наздиконаш ва бархе аз мақомоти мисрӣ аз Малик Абдуллоҳ хостаанд, ба онҳо иҷозаи сафар ба ин кишвар бидиҳад.
Ин манобеъ афзуданд: "Бисёре аз нерӯҳои амниятии Миср ҳамакнун дар канори мардум қарор доранд ва дастуроти фармондеҳони худро рад мекунанд”.
Ин дар ҳолест, ки ин манобеъ мегӯянд: "Муборак аз Аҳмад Фатҳӣ Сурур раиси порлумони миллати Миср хоста дар сурати тарки кишвар, вай идораи умумрро ба даст гирад”.
Пеш аз ин, хабарҳое мабнӣ бар фирори Ҷамол Муборак писари Ҳусни Муборак, аз тарси тазоҳуроти эътирозомезе, ки саросари кишвари Мисрро фаро гирифта ва хоҳони тағйир ва ислоҳот аст, ба Ландан мунташир шуда буд.
Ҳамакнун ва дар рӯзи "Ҷумъаи Хашм” саросари Мисрро роҳпаймоиҳои эътирозомез фаро гирифта ва тамоми мисриҳо хоҳони сарнагунии режими Муборак ҳастанд.