Тайи рӯзҳои оянда, киштиҳои ҷангии артиши Ҷумҳурии Исломии Эрон барои аввалин бор ба баҳри Сурх ва Медитрона (Миёназамин) хоҳад рафт.
Дарёдор Ғуломризо Ходими Беғам, ҷонишини фармондеҳи нерӯи баҳрии артиши Эрон дар гуфтугӯ бо хабаргузории Форс, бо ишора ба наҳваи эъзоми зерсатҳӣ ва сатҳиҳои артиши Эрон ба обҳои дурдаст, бо баёни ин ки ин иқдом дар ягонҳои зерсатҳӣ ва сатҳӣ ба як сурат анҷом мешавад, гуфт: "Дар маъмуриятҳои нерӯи баҳрӣ, ҳамеша 2 то 4 фарванд киштӣ ширкат доранд, ки аз инҳо як ё ду киштӣ размӣ ва яке дигар киштии пуштибонӣ аст”.
Ҷонишини фармондеҳи нерӯи баҳрии артиши Эрон бо баёни ин ки эъзоми зерсатҳӣ ба масофати дур дар барномаи кории нерӯ қарор дорад, изҳор дошт: "Ин иттифоқ ба зудӣ рух хоҳад дод ва табиӣ аст, ки агар қарор бошад зерсатҳиҳоро ба масофати дур бифирситем, ҳатман ягони пуштибони размӣ ҳам эъзом хоҳем кард”.
Беғам бо баёни ин ки маъмуриятҳои нерӯи баҳрӣ дар минтақа густариш пайдо кардааст, гуфт: "Ягонҳои нерӯи баҳрии артиши Ҷ.И.Эрон то мадори 10 дараҷа, ҳам дар шарқи минтақа ва ҳам дар ғарб, ки халиҷи Адан ва Бобулмандиб аст ҳузур доранд”.
Вай бо баёни ин ки як гурӯҳ киштиҳои омӯзишӣ-амалиётии нерӯи баҳрии артиши Ҷ.И.Эрон тайи ҳафтаи ҷорӣ ба ин минтақа эъзом хоҳад шуд, идома дод: "Ин киштиҳо маъмурият дорад илова бар омӯзишҳои амалӣ барои бархе аз донишҷӯёни Донишгоҳи Имом Хумайнӣ, баҳси ишрофи иттилоотиро низ дар минтақа дунбол мекунад ва ҳатто ин киштиҳо дар ин маъмурият вориди обҳои баҳри Сурх ва пас аз он ба баҳри Медитрона хоҳад шуд”.
Ҷонишини фармондеҳи нерӯи баҳрии артиши Ҷ.И.Эрон, бо ишора ба вижагиҳои муҳимми ин маъмурият, тасреҳ кард: "Дар ин маъмурият бо таваҷҷӯҳ ба убур аз коноли Суес, масири бисёр хубе пеши рӯи киштиҳои эъзомӣ хоҳад буд ва аз тарафи дигар донишҷӯёни нерӯи баҳрӣ низ манотиқи ҷадидеро таҷруба хоҳанд кард”.
Вай бо баёни ин ки дар ин маъмурият ишрофи иттилоотии хубе нисбат ба ин манотиқ пайдо хоҳем кард, афзуд: "Албатта ин як маъмурияти тӯлонӣ аст ва мумкин аст то соли оянда низ ба тӯл биянҷомад”.