Рӯзе ҳазрати Муҳаммад (саллаллоҳу алайҳи ва олиҳи) назди мардум буд, ки баногаҳ ҳазрати Ҷабраил (алайҳис салом) пеши ӯ омад ва пурсид: Имон чист? Паёмбар (саллаллоҳу алайҳи ва олиҳи) гуфт: Имон он аст, ки ба Худо, фариштагонаш, мулоқоти Ӯ, паёмбаронаш ва ба зинда шудан пас аз мурдан, имон ва бовар дошта бошӣ. Пурсид: Ислом чист? Гуфт: Ислом ин аст, ки Худоро бипарастӣ ва ба Ӯ ширк наоварӣ, намоз барпо дорӣ, закоти мол бипардозӣ ва рӯзаи Рамазон гирӣ. Пурсид: Эҳсон чист? Гуфт: Эҳсон ин аст, ки Худоро чунон бипарастӣ, ки гӯӣ Ӯро мебинӣ, зеро агар ту Ӯро набинӣ, Ӯ туро бинад. (Саҳеҳи Бухорӣ, боби саволи Ҷабраил (алайҳис салом))
|