Муфтии Арабистони Саудӣ тайи изҳороте аҷиб бо ҳимояти зимнӣ аз диктотурҳои арабӣ, эътирозоти ахир дар бархе аз кишварҳои арабиро барномарезии душманони ислом барои таҷзияи ин кишварҳо донист.
Рӯзномаи Алватан (Арабистони Саудӣ) навишт, Шайх Абулазиз Оли Шайх дар хутбаҳои намози ҷумъа (04.02.2011) дар масҷиди Туркӣ бен Абдуллоҳи Риёз, (бо ҳимояти зимнӣ аз диктотурҳои арабӣ), муддаӣ шуд: "Душманони ислом дар назар доранд кишварҳои арабӣ ва исломиро таҷзия карда ва онҳоро аз кишварҳои бузург ва қудратманд ба чанд кишвари кучак табдил кунанд”.
Вай гуфт: "Ин тазоҳурот дар ҷиҳати зарба задан ба уммати исломӣ ва аз байн бурдани дин, усул ва ахлоқ аст, ва омилони он мехоҳанд дар кишварҳои арабӣ тафриқа андохта, ваҳдати ононро аз байн бибаранд ва дар ниҳоят ин кишварҳоро тақсим кунанд”.
Хотирнишон мешавад, дар рӯзҳои ахир пас аз қиёми мардуми Тунис, кишварҳои Миср, Алҷазоир, Миср, Урдун, Яман ва ғайра шоҳиди тазоҳуроти мардумӣ бар зидди ҳукуматҳои худ будаанд.