Гуфт: Дар намозҳое, ки се ракъат ва ё чаҳор ракъат аст, чӣ кор мекунам?
Гуфтам: Агар намоз се ракъатӣ ва ё чаҳор ракъатӣ бошад, баъд аз ташаҳҳуд, аз ҷои худ бархоста ва ракъати сеюм ва чаҳорумро ба ҳамон сурате ки ракъати аввал ва дуюмро баҷо овардӣ, адо менамоӣ. Танҳо ин ки дар ракъати сеюм ва чаҳорум, Сано ва Аъузу вуҷуд надорад ва низ, агар намоз фарз бошад, фақат бо хондани сураи Ҳамд дар он бе пайваст кардани сураи дигар иктифо мекунӣ. Ва ҳамчунин агар ба ҷои сураи Ҳамд, тасбеҳ бигӯӣ ва ё ҳатто сокит ҳам бошӣ, боке надорад.
Дар намози се ракъатӣ, баъд аз саҷдаи дуюм аз ракъати сеюм, менишинӣ ва бо хондани ташаҳҳуд, салавот, дуо ва салом аз намоз берун мешавӣ.
Дар намози чаҳор ракъатӣ бошад, баъд аз саҷдаи дуюм аз ракъати чаҳорум, нишаста ва бо хондани ташаҳҳуд, салавот, дуо ва салом аз намоз хориҷ хоҳӣ гардид.
|